مصراته

شباب مصراته يطلقون 3 قنوات فضائية


أطلق شباب مدينة مصراته 3 قنوات فضائية دفعة واحدة :

1. قناة مصراته تي في (MISURATA TV)
2. قناة توباكتس إف إم (TOBACTS FM)
3. قناة مصراته (MISRATA)

وجميعها على قمر نايلسات : تردد 11257 أفقي (H)

قناة مصراته تي في (MISURATA TV)
قناة توباكتس إف إم (TOBACTS FM)
تلفزيون مصراته (MISRATA)

وكانت صحيفة قورينا قد أجرت قبل أيام لقاءً مع صحفيين شباب من مدينة مصراته، من بينهم مدير قناة توباكتس* الذي قال : “إن السبب المباشر للتفكير في إنشاء هذه القناة، هو الحدث القائم الآن، هذه الحرب الدائرة بين أعوان القذافي وثوار ليبيا، كذلك لعدم قدرة قنوات ثورة السابع عشر من فبراير – ومن بينها ليبيا الأحرار- على نقل صوتنا للعالم اضطررنا للتفكير في إطلاق قناة خاصة بمصراتة” . وتابع قائلاً: “نسعى لأن تكون القناة إخبارية.. شغلنا الشاغل الآن هو دعم الثوار وقضية الثورة.. نحن واثقين من أننا سننجح”.

رأيي المتواضع أن مصراته ظلمت كثيراً وما زال الليبيون لا يعرفون الكثير عن تاريخ المدينة التي لعبت دوراً حاسماً في تاريخ ليبيا، فقد تم تهميش الكثير من أعلامها كـرمضان السويحلي وبشير السعداوي (سواء أثناء حكم القذافي أو في العهد الملكي)، كما أن كثيرين لا يعرفون الملاحم التي سطرها أهل المدينة أثناء تحرير مدينتهم في ثورة 17 فبراير، والدمار الكبير الذي ألحقته كتائب القذافي بالمدينة .. لهذا سرني خبر إطلاق هذه القنوات 🙂
يقول المؤرخ الشيخ الطاهر الزاوي رحمه الله : “إن حياة الحركة الوطنية فيها رهن بوجود مصراته في يد العرب، وما خرجت مرة من أيديهم إلا وانقطع الجهاد من طرابلس* .”
.

.
* توباكتس هو الاسم الذي أطلقه الفينيقيون على مصراتة حين أسسوها قبل حوالي 3000 عام .
* الحديث هنا عن إقليم طرابلس الذي كان يضم مدن غرب ليبيا .


Advertisements

102 thoughts on “شباب مصراته يطلقون 3 قنوات فضائية”

  1. شكرا على المجهودات الجبارة والله انكم ابطال يامصراتة و رفعتوا روسنا قدام العالم كله

    و اتمنى ان تركزوا على اظهار و ابراز تاريخ مصراتة الذي لا يعرفه الكثير بسبب ما حدث له من طمس

    مصراتة الصمود مصراتة الجهاد مصراتة الصناعة التجارة الزراعة مصراتة التي تعطي و لا تاخذ و التي لا تنتظر شكرا من احد

  2. عاشت مصراتة والله افتخر كا ليبى بمصراتة امام كل العالم والله اصغر قرية فى اليونان اصبحت تعرف مصراتة اخوكم اكرم المعرفى اليونان

  3. صاح بدينا اتثيروا في الفتن مافش دولة في العالم اتسمي باسم مدينة الا اذاعة كنها بنغازي معنها الشرارة سمت قنواتها كلها باسم ليبيا وكنها الزنتان والجبل الغربي مادروا قناة اتخصهم والله مبدكم غلط انتوا هكي اديروا في تفرقة غلط غلط

  4. وبدبنا كل واحد يفتخر بمدينتا وهذا اكبر غلط ليبيا كلها صبت مع بعضها لكن الجاهل الي ايقول مدينة خير من مدينة والشخص اجره عند ربه مافش مدينة خير من مدينة ربك يوم القيامة كل شخص باجره مش اجر مدينته يا ريت توعي شوي اتفكونا من العنصرية را في قريب 40 الف ماتوا عشان نحنه انعيشوا بحرية خليها في بالكم مش بعد انتهيت الثورة تقعدوا تفتخروا المدن كلها قدموا شهداء خلاص فكونا من العنصرية وخلونا خوت حتي ربي ايبركلنا في ليبيا

  5. انا درناوي اصلي مصراتي لكن مستحيل نفتخر بمدينة لان ليبيا كلها جاهدت ومصراته جاهوا من مدن ليبيا كلها ايساعدوا في خوتهم سبحان الله قلتاه توا ايطيح القذافي ويبقوا يفتخروا بمدنهم خلاص فكونا من العنصرية الله يبارك فيكم

  6. يا ترهوني حر يا ريت اتقول اسماء من غير ماتذكر المدينة عشان مادرش حساسية بين المدن اصلا كل مدينة ضروري فيها اشخاص مع الطاغية

  7. المشكله مش من اهل مصراته المشكله من السيد محمود شمام اللى تم تنصيبه وزير اعلام وهو للمجامله فقط مافيش في العالم دوله ديمفراطيه بها وزارة اعلام وبعد ما طلع علينا ايهدد بوجه دكتاتورى علشان يتحكم غى كل ماينشر على القنوات او الصحف ونحكما فى قناة ليبيا الاحرار مما ادى الى اسقالة عدد كبير من الشباب المتطوعين بها عندما اعترضو على ادارة القنا وضرب باعتراضاتهم عرض الحائط ولما طلبنا من المجلس دعم مادى لاطلاق قناه فضائيه من مصرااته لتكون قريبه من مواقع الاحداث بالمنطقه الغربيه وماكانت لتسمى بمدينه سواء مصراته او غيرها والمبلغ المطلوب 700000 د.ل لم يتم الرد علينا وتم انشاء القناه بتبرعات من اهل المدينه لاعلاقه للمجلس بها اما مصراته تف قناة توباكتس فهى ملك لرجل اعمال من مصراته ونحن ننادى باعلام حر دون ان يمس بحرية الاخرين من خقه ان يسمى قنواته مايشاء ولايعنى الاسم ان هذه القناه منحازه الى اسمها فما نفع التغيير ان لم نتغير

  8. إن لم تكن ذئبا أكلتك الذئاب ،ولكي لا يتم تهميش مصراتة كما حدث في عهد معمر اليهودي فمن حق مصراتة أن تدافع عن حقها وتأخذه طوعا أو كرها

  9. كنك محروق هكى انت يا esam من مصراتة يامحروق حرقه شن تبي يسموهلك * عشر قنوات تو باسم ليبيا وبعدين مصراتة والله تستاهل مافيش تفرقه والا شئ غير انت تاكل فى بعضك من ردودك وتوا المدن كلها تسمى باسا ميها وبعدين هده القنوات ليست حكومية وانما يملكونها مواطنون باموالهم الخاصة ويحق لهم ان يسمو بما يريدون مش هكى الحرية توا والا لا ؟؟؟؟؟؟؟؟ والله كم تمنيت ان اكون مصراتى

  10. مصراته بعد كل ما عانته من حقها أن يسمع صوتها ، ومن حقها أن تبرز معاناتها للعالم ، خاصة بعد محاولات االبعض التدخل للتأثير على أهلها ليتنازلوا لبعض أزلام النظام الذين عاثوا فيها فسادا ودمارا ، كما أنه ليس من حق أي كان أن يتحكم في المواضيع التي يتم يتناولها في الإعلام ، حتى ولو كان عضوا في المجلس الانتقالي ، أتمنى أن تكون هذه القنوات هي التي ستوصل معاناتنا وآرائنا للجميع ، كما أتمنى أن تلتزم بعادات وتقاليد أهل مصراته .
    مصراتيه وأفتخر

  11. مصراته بعد كل ما عانته من حقها أن يسمع صوتها ، ومن حقها أن تبرز معاناتها للعالم ، خاصة بعد محاولات البعض التدخل للتأثير على أهلها ليتنازلوا لبعض أزلام النظام الذين عاثوا فيها فسادا ودمارا ، كما أنه ليس من حق أي كان أن يتحكم في المواضيع التي يتم تناولها في الإعلام ، حتى ولو كان عضوا في المجلس الانتقالي ، أتمنى أن تكون هذه القنوات هي التي ستوصل معاناتنا وآرائنا للجميع ، كما أتمنى أن تلتزم بعادات وتقاليد أهل مصراته .
    مصراتيه وأفتخر

  12. تعرفو جت فتره مع وجود المشاكل مع قناة ليبيا الاحرار وتعيين ازلام القدافى بيها واحد بعد الاخر
    وكثرة الاخبار الكادبه بها انها سميت من بعض الناس فى مصراته قناة الطابور الخامس

  13. اخوتى الاعزاء أبناء مصراتة الصمود ** السلام عليكم ورحمة الله وبركاته , انه لمن دواعى الغبطة والسرور أن أنتهز هذه الفرصة العظيمة لآتقدم لكم ولكل أحرار وحرائر ليبيانا الغالية بافتتاح هذه المحطات الاذاعية , داعيا الله عز وجل أن يبارك لكم مجهوداتكم ويجعلها فى ميزان حسناتكم , وأن يجعلها حجر الآساس لاعلام حر يلتزم المصداقية ونبذ الفرقة والجهوية , اعلام يجعل من حرية الرأى نقطة انطلاق لنشر ثقافة التسامح ونبذ الفرقة تقافة الحب والسلام لنبنى ليبيا الغالية على هذه الدعامات لتحيا حرة شريفة كريمة بين الامم فوق الارض وتحت الشمس.
    اخوتى الاعزاء أعزكم الله – أنا على يقين كامل بأن الاسم الذى اخترتموه لهذه المحطات ( خير الاسماء ) لا يدل على أن هذه القنوات ستتحول للاستفراد بذكر أمجاد مصراتة ( وهى غنية عن التعريف ) فقد سطرت هذه المدينة تاريخا بمداد من ذهب ودفعت الغالى والنفيس من مهج ابنائها الاشاوس , ومن دمار يكاد يكون كاملا لكل معانى الحياة فيها , فقد عرف هذا العدو قبل الصديق , فأنتم من حافظتم على وحدة ليبيانا الغالية من الانقسام , وأنتم من برهنتم على معانى الانتماء لهذه الدولة بكل ما للوطنية من معانى , الا أننى ومن باب الذكرى أقول لكم اثبتوا لهؤلاء من أصحاب النفوس المريضة أن الاسم لا يدل على ما فى أنفسهم من حقد وحسد , فلسنا نحن من يخرج من بيت العائلة الكبير لنبنى مجدا لانفسنا فنحن من يؤمن بأن يد الله مع الجماعة , ونحن من يؤمن بقوله سبحانه ( واعتصموا بحبل الله جميعا ولا تفرقوا )

  14. من حقهم مصراته يسموها بأي اسم لأنهم فاتحينها بفلوسهم و اي مدينه تبي تفتح قناة من شادها مش ليبيا بدت حرة,و من ثم مصراته ضحت بالكثير و كل المدن الليبية ضحت لكن مصراته ضحت حبتين زيادة امشي شوف الدمار في المدينه و عدد الشهداء و الجرحى و هذا أكبر دليل

  15. مصراته هي مصراته – مسحت جيش خميس و باته
    ما شاء الله عليك يا مصراته و ربي يدوم خيراتك و يرحم شهدائك و شهداء ليبيا كلها

  16. للاسف مازال عندنا شباب قناعاتهم تبعيه الاعلام للحاكم صح اما نحن فنطالب باعلام حر دون ان يمس حرية الاخرين لا يتبع الدوله ونحن بمصراته عندما ثارث المدينه لغيرتها على ليبيا ولما شافو القمع ونشر المرتزقه فى شوارع بنغازى قامت الدينه بمظاهره سلميه لنصرة بنغازى مع العلم ان بداية القمع كانت فى مدينة البيضاء حيث قصفت بالطائرات ولم ينقل الاعلام صور القمع من هده المدينه الثائره وبعد ان سال الدم بمصراته وسقط اول شهيد (خالد ابو شحمه) ثارت المدينه باكملها ورفضت ان يحكمها الطاغيه ثانية حتى لويفنى سكان المدينه بكاملها واشترو السلاح باموالهم فى الاربع اشهر الاولى والاخ اللى محروق من هالتسميه للقنوات محطة ليبيا الاحرار هديه من الشيخ حمد وليست باموال ليبيه وانا ارى انها قناة محمود شمام الى اشعار اخر

  17. زمان ايام حكم الطاغيه فى اجتماع لمؤتمر الزروق فيه شايب الله يدكرا بالخير طلب الكلمه وهالشايب كان امي لايقرا لايكتب قاللهم اعطونى المكرفون فقام امين المؤتمريسسفتر عليه (يتهكم عليه ) وقاله ياحاج اسماه ناقل الصوت فرد عليه الشليب بكل جرءه وقال اصنعه وسميه حليمه فنال اعجاب كل الحضور و للناس اللى مش عاجباتهم تسميات القنوات بمصراته ديرو قنوات وسموها باسمائكم او اسماء عائلاتكم مالمانع فى دالك مصراته كانت سباقه ولاكن انا متأكد انه ستخرج علينا قنوات ثانيه باسماء مدن ليبيه مالمانع نحن نطالب بالحريه ولايمكن ان نرضى بان تمس حرية الاخرين تقيلو الامر بصدر رحب وتاكدو ان مصراته ماكنت عنصريه في يوم من الايام مع اننا نرى العنصريه في بعض المدن واهل هده المدينه منتشرين فى ليبيا الحبيبه من شرقها الى غربها شمالها وجنوبها يسعون فى طلب رزقهم الى اى بقعه من ارضنا الطاهره وعندما ناداهم الجهاد هبو هبة رجل واحد وضحو بالدماء و بالغالى والنفيس لتحرير ليبيا

  18. ياقماطي حر والله ماحسودي انا وايكون في علمك انا اصلي مصراتي لعت المصراتي بس توا مش وقت شق الصف خلي ليبيا اتصبي ع كرعيها بعدها لنبوا انحودوه انحوده هذا مجلس انتقالي بس فترة وايحود مانقعدش ننقدوا في الناس المسؤولية واعرة

  19. والله ياليبي متعصب ماني مقهور من مصراته عشان سميتوا بها قناة بس هكي تقعد رياء انت ادير في واجب الوطن محد يجمل ع الوطن ولاجر تاخذه من ربك مش من الناس تفتخر بمدينتك خلوا ليبيا يد وحده

  20. والدفاع ع الوطن واجب ع كل ليبي وكان ادور في الكاميره وتبي تظهر مدينتك هذا يسمه رياء يعني جهادك عشان تفتخر بمدينتك

  21. كفانا بيعكم السلاح لنا بالمال فى اصعب ايام المواجهات وهو غانمينه من كتائب الطاغيه ملك لكل ليبيا ومع دالك بعتوه لنا ودفعنا بكل عزه من اموالنا واول باخره ركاب تسير من والى مصراته واول طائره تسير من والى مصراته استأجرها رجل اعمال من مصراته ياريت ماحد ايزايد علينا خلو مصراته فى حالها تلملم جراحها تعا ود بناء مادمره الطاغيه واشقو بحالكم

  22. يا esam نبي انقولك شنو مشكلتك مع اسم مصراتة …. متخافش مافيهاش شق صف الا من اللي عندهم عقدة النقص وضاربهم الشعور ,,, انا من جبل نفوسة وتحديدا قيلوشي ونموت في مصراتة واهل مصراتة باش متقولش انا مصراتي وندافع عليهم وما تنساش شنو قدمت مصراتة لي ليبيا يكفي انها كانت العقبة ضد التقسيم وكذلك دور ثوار مصراتة في تحرير جل مدن ليبيا ومن بينهم طرابلس اللي انا منها وبعد هذا كله تستخصر فيهم اسم مصراتة لقناتهم وتتهمهم بالجهوية …..!!!
    وبعدين اهل مصراتة دفعوا دم وفاتورة كبيرة ومن حقهم ايديروا اللي يبوه ( معرقين عليها يا مبحبح) ويوم انت تخدم وتولي رجل اعمال وتفتح قناة … سميها حتى جخرة محدش يقولك تلث التلاثة كام .
    وبعدين علاش التدقيق في حاجات لا تقدم ولا توخر … يعني فوت واستمتع بالحرية تشااااو

  23. انا من بنغازى وانحب مصراتة موووت لانها مدينة حبيبى اوسيفة والله ايام الاحداث قعدت نبكى كل يوم الاخبار انقطعن وعارفت شن صار فيهم نسمعو فى اخبار مرة صح ومرة غلط لكن والله كان ايام صعبة جدا واليوم الحمد لله اوسيفة بخير وهو الان فى كتيبة التحرير وذهب الى طرابلس وشارك فى تحرير طرابلس وذهب الى بن وليد وادعو انه يرجع لى طيب يارب انحب مصراتة وانحب اهلها لانهم نعم الناس

  24. لولا السلاح اللى جاء من ميناء بنغازى مجانا وانا شاهد ماتحررت مصراتة…
    لولا التريس اللى من بنغازى ودرنة والبيضاء من القوات الخاصة ماتحرر شارع طرابلس….
    لولا ان بنغازى رفضت الانفصال عن الغرب لكانت مصراتة فى خبر كان (يعنى التاورغاء اركبوا على مازالوا مااركبوا عليه )….
    لولا الجرافات المليئة بالسلاح والتريس والاغاثات والمساعدات والبنزين ما تحررت مصراتة …
    لولا الناتو اللى قعد يقصف فى 3شهور وباد معظم قوات القذافى متحررت مصراتة ….
    فاى مجد واى بطولات واى جهاد تحكون عنه ونحن سبب تحرير مصراتة (بنغازى) وسبب بقائكم على قيد الحياة بعد الله ..ايها الناكرون للجميل ياعنصريون ….
    ياللى تسرقوا حتى فى سيارات القمامة من طرابلس…
    ياللى فالحين فى الكتابة بالسبراى ثوار مصراتة كانها مسابقة من يكتب اكثر ….
    يالى اتصوروا فى جماعتكم وفايتين التريس اللى جوكم وما يبوش الا الشهادة واللى عمرهم ماحقوا مصراتة والان تتنكروا لهم عيب عليكم ….
    فقبل ان تتحدثوا اذكروا فضائل الله عليكم والناس ولاتاخذكم الكبرياء بالجهالة…
    ياللى قاعدين اتلموا فى السلاح ودسوا فيه فى مصراتة ….

    ونصيحة اخيرة (((نحن فى الشرق على استعداد لسحق اى محاولة انفصال او ابداء الراى بالقوة واظن انكم عارفين تريس الشرق اللى الواحد يساوى عشرة من ثواركم وبشهادة الخبراء العسكريين الاجانب ))) فلذا لاتلعبوا على عداد عمركم .

  25. يا esam كيف جيت لعت المصراتى أول مرة نعرف انّ فى قبيلة اسماها المصراتى

    و بعدين قنفودة شمام و قناة مزيل البطشة ليبيا أولا و ليبيا الحرة اللى سرقت مقر الليبية , متحاملين على مصراتة , و شئ أخر فلوسنا و نديرو بيهم أى شئ و اللى مش عاجبه ينطح رأسه فى الحيط

  26. ماتخفش يا علي انا وحق ربي مصراتي الاب والام ابا عن جد وبركه الله فيك يا مصراتي الغيران انا ماغلطتش فيك وربك يستر من التفرقه ونسئل الله ان يجمع شملنا وياريت اتخلوا كل حاجة بلحوار من غير غلطوخلاص شخص باع سلاح تجمع ع المدينة كلها والله انا اول واحد نلعن في البيه السلاح الخوتي وهذا مش وطني هذم تجار الحروب

  27. السلام عليكم ياغاليين ياليبييين
    صلو ع النبى ياحبيباتى ,صح كل واحد يقول رايه بدون توجيه اهانة لغيره قول رايك مهما كان ,مصراتة معروفه من يومها صح وعادى اى مدينة تبث منها قنوات هو بس لو اختارو ارقام اسماء اخرى مش لازم ليبيا ولا مصراتة خلينا منفتحين وطبيعى هتتكلم القناة ع البلاد كلها بس النسبة الاعلى للمدينة هذا شى معروف عالميا , وربى يعلم ان كل ليبيا هتفت وافتخرت بمصراتة حتى الشباب كلهم يبو يتزوجو مصرتيات والبنات حتى هما ,,, شفتو الى اى درجة كلهم شهدو بالحق يامصرتة فاى حد عنصرى ومغرور ينتبه وماينسش هالكلام نحبك ليبيا نحبك كلك على بعضك

  28. تحياتى لخويا عصام وللجميع …………………..فى دم فى ناس خسرت اعضائها فى ارامل فى يتام فى كمية دم تقهر خلونا نبنو ليبيا ونحبو بعضنا ونوسعو بالنا

  29. الاخ عصام:
    القنوات ليست جهوية يدليل انها تبت مسجا ت من جميع المدن لها برامج باللغة الامازيغية لعدة ساعات اكثر من اى قنوات اخرى فارجوا ان لا تاخد الامر بحساسية والحرية هكدا افعل ماتشاء دون ان تسئ للاخرين اوالدين اوالعرف
    ومصراتة معروفة من زمان بانها احسن مدينة ليبية واهلها علماء ومجاهدين واستغرب كيف انك اصلك مصراتى ةلاتعرف كل هدة المعلومات على مصراتة

  30. الزاوية عانت أكثر من مصراتة ، الزنتان معلوم كم عرض اعليهم الطاغية من مال ، بنغازي ومناطق الشرق لهم الفضل بعد الله فى فكرة إنشاء المجلس الوطني ، لا أظن ان هناك شبر فى ليبيا لم يعاني من ظلم الطاغية ، ولا مشاحة فى الاسماء سموها ماشئتم حتى لو كانت بغير حر مالكم لا ضير ، المهم لو فكر مجرد التفكير أي شخص فى الظهور بمظهر القوة ، لينال من لن تطاله يداه فقد فقد هذا الشخص (وقبيلته ) عقله ، لانريد ظلم ولا نريد عقول مريضة كلنا ليبييون ونحترم الجميع من امساعد الى راس اجدير ، والا فالحرب الاهلية هي الحل ، بعيدا عن الناتو ، يعني
    اللي فيها حليب اتصيح ، والكلام واضح ، وليبيا كل حد فيها معروف ، جو زنتانى وافتخر ولا مصراتى وافتخر ولا ترهونى وافتخر فكونا منه ، قول ليبي وافتخر وريح اعظامك واعظام بوك

  31. انا من بنغازي وفي الايام التي كانت تقصف فيها مصراتة تأثرنا لدرجة البكاء والله ومرضت وزعلنا وهدا كان حال كل من اعرف من اصدقائ واقاربي واهلي بل في برقة كلها وطبعاً هدا من طيبهم المشهورين بيه هبوا لفزعت اهل مصراتة من كافة مناطق الشرق الليبي عن طريق البحررغم المخاطر والقصف هبوا بالسلاح والرجال الفرسان الشجعان يلي ايهدوا عالنار وانتوا ادرى ومن طرابلس ومن زليتن وحتى من سرت وبني وليد رغم الحصار الخانق…بس طلعتوا ناكرين ولم تعترفوا ومااكتفيتوش بالنكران لاواخرى تسرقوا في امجاد غيركم بالقنوات العنصرية الجهوية امتعكم القصة مش فالاسم القصة في النية السودة وراكم حالياً والله مكروهييييين من تصرفاتكم الغير حضارية المتخلفة ياخسارة مصراتة في البداية هيو الجبل نالو شرف انهم منعوا فكرة التقسيم بس توا مصراتة تبث الفتن ووتعمل على تقسم ليبيا ماتنسوش انكم ليبييين يعني من ثوار ليبيا بلا فصع ياعيت الطابور الخامس

  32. نسأل الله ان يحفظ ليبيا وتحياتي لرقي اهل العاصمة بصراحة قمة في التقدم والرقي مع انهم اهل العاصمة وماصارش فيهم اشوية بس ماطلعوش علينا بالافتخار والعنطزة لانهم واثقين من انفسهم من دون فتن وقناة العاصمة قناة كافة الليبيين وانحبوها وبارك الله في اسود الجبل واشاوس الزاوية الصامدة وبواسل ازوارة يرعاكم الله ويحفظكم ويهديكم الله يلي تشوهوا في صورة مصراتة

  33. لا للقبلية لا للجهوية لا للعنصرية لا للفتنة لا للتخلف لا للتحجر..لاشرقية لا غربية ليبييين ضنا بيتية……الله الله قي ليبيا العز

  34. على فكرة في واحد كاتب نيجيري حر شوفوه راهو يقعد الساعدي هههههههه طابور خامس حان وقت الفتنة والمهبول يسمع وينفد عليك اطياح سعد

  35. هالحساسيات الزايده هدى داروها بعض الشباب من بنغازي وهم سببها والدليل من قالت اصبحتو مكروهين ونحن لم ننضم الى الثوره الا من اجل بنغازي وماتناقلته وسايل الاعلام منها ولولا اننا وطنيون ولا نفرق بين شرقها وغربها ماصار اللى صار انصحكم بان تطلبو من رجال الاعمال عندكم ليتبرع احدهم بقناة ولييسمها حتى باسنه فلامشكله

  36. اتمنى من أخوتي وأخواتي التعالي على العنصرية والتباهي بالمجد الذي حققه الأبطال ومن قدم شئ في سبيل هذا الوطن فليجعله خالصا لله وحده وتحياتي للمجاهدين أينما كانوا وحيثما حلوا (يايها الذين أمنو لاتبطلوا صدقاتكم بالمن ولأذى

  37. مش عارف شن المشكلة في الاسم, على حسب مالك القناة يسميها كيف ما يبي ما فيها شي, قناوات واجد مسمية على اسماء مدن, وما فيهاش اي عنصرية بالعكس هكي اللي يبي يعرف شي على مصراته يمشي لقناة مصراته والا يبي يعرف على بنغازي متلا يمشي يقتح قناة بنغازي لو موجودة, هكي افضل

  38. السلام عليكم
    اولا انا انحب مصراته هلبا وحبيبتي من مصراته وانا من جبل نفويه من القلعه بالتحديد امازيغي بجد عانت هلبا مصراته وتستاهل كل الخير لاكن بجد مستريحتش للقنوات الي مدايريينها باسم المدينه لانها مش في وقتها وتابعت برامج القناة اتفاجات انها 24 ساعه تجيب في برامج على مصراته فقط صح تستاهل مصراته هكي واكتر لاكن بجد اضايقت لاننا احنا الامازيغ المفروض هكي انديرو مفروض انديرو قناة ونمجدو روحنا لاكن احنا منديروهاش او مش وقتها توا لانها بدير فتنا فيالبلاد والبلاد مش ناقصا في الوقت الحالي للعلم جبل نفوسه والزاويه حتاهي عانت هلبا وخاصه مدينة القلعه عانت من حصار 4 شهور كنا بلا منافد للعالم وخسرنا شباب ومقابر جماعيا صح متجيش زي ماعانت مصراته لاكن كل المناطق الليبيه عانت يارييت تلمو الشمل وتلوحو جو الفتن هدو شن انا مصراتي ولا انا امازيغي ولا انا زنتاني ولا شرقاوي فكونا كلنا ليبيين

  39. الخلاصة تاخدوها منى……. والله مافى مدينة ملهاش قيمة فى الثورة وابدوها من اول يوم …… لو قعدت بنغازى ثائرة وحدها وماصبوش معاها الشرق والغرب وكل انحاء ليبيا راهو ابيدت وماحد سمى عليها ……. ونجاح ثورتنا ووحلة الطاغى فينا هى تصبايتنا مع بعضنا كلنا …….. فكروا فى كلامى واستوعبوا اسأل الله الهداية لنا ولكم …….. وزى ماقال العميد الزيات … نجاح ثورتنا ماجاش بالساهل ولما تبو تلعبوا بثورتكم عدو زوروا مقابر الشهداء ……..

  40. عليش التحامل على مصراته مش عارفه وخلاص وبعدين اي حد دار موقف بطولي من حق يندكر حتى كأشخاص ومش كمدن وحتى كلام الله يقول عز وجل “هل يستوي الدين يعملون والدين لا يعملون” و
    وقوله”لاتبخسوا الناس اشياءهم”
    مصراته قدمت الكتير للوطن فرجاء دكر التاريخ كما هو

  41. معليش بلاش تحامل على مصراته
    مصراته قدمت الكتير للوطن يكفينا شهادة ناس عرب واجانب في مصراته وهلها يعني مش ليبين بيش ينحازوا ولكنه واقع فرضته مصراته بجهاد قل متله إلاما ندر وبعدين في كلام ربي””ولاتبخاسوا الناس اشياءهم”” يعني مش عنصرية لما تدكر مادا فعلت مصراته ومن حقنا كمصراتيين ان نفتخر بأبناءنا البواسل الدين قدموا ارواحهم في سبيل الوطن قبل مصراته.

  42. وبعدين شنو تبو تساو بين المدن التي انضمت للثورة من البداية وبين مدن لعند توا مازلت مع الطاغية بالله عليكم وانصاف للحق وكتاريخ لنا ولأولادنا انا الحق من مصراته ونفتخرونحب مصراته من يومي وزاد توا ولكن في مدن حتى
    هما الحق نحبهم ونتشرفوا بيهم وبشجاعتهم كمدن الجبل وخاصة الزنتان وزوارة والحق كل الجبل الحق ناس ماشاءالله عليهم .

  43. انا بنت مصراته ونفتخر بيها طول عمري ومصراته عمره ماحد نساها ولاهمشها محفوره في قلب كل ليبي واللي داروه هل مصراته ماينتضرش تقدير من حد لإن مصراته هي بنغازي وبنغازي هي طرابلس وطرابلس هي طبرق وطبرق هي زنتان وزنتان هي ودان و ودان هي البيضاء والبيضاء هي الجفره والجفره هي المرج والمرج هي جالو وانا ليبيه وانتو ليبين وكلنا خوت وحملتنا ام وحده هي ليبيا فهمتو كلنا ليبيا حطوها في بالكم كيف ما مصراته صمدت بنغازي ثارت وطرابلس تحاصرت كلنا ضحينا علشان ثورة ليبيا مش ثورة بنغازي ولا مصراته ولاطرابلس

  44. والله الي نشوف فيه وكأن مصراته قامت بالثورة بروحها وما فيش حد سبقها،، حسبنا الله ونعم الوكيل،،، الى نعرفه ان فيه ثورة قامت ف 1993 حرقوا فيها المثابات ومراكز الامن وحرقو صور الطاغية وسيارات الاجهزة الامنية وكل ما له صلة بالنظام الفاسد،، وكانو متجهين لمخازن الاسلحة في منطقة القريعة ،، وألي صار ان الصواريخ التي قصفت المخازن طلعت من مصراته،، والطائرات الي حلقت طلعت من مصراته،، وأول مدينة استقبلت الطاغية بعد هالاحدات كانت مصراته،، يومها قالو مصراته هي مصراته تحمي القائد وانجازاته،، وقالو عن القبيلة الي دارت هالثورة والانتفاضة خونه وعملاء ،، ومن هنا صارت مصراته هي الذراع الذي يبطش به الطاغية في المناطق المجاورة لها مثل تاورغا زليطن وبني وليد،ن لدرجة ان هالمدن حطها كلها تحت مصراته،ن وهم قامو بالدور على اكمل وجه ونفذو الي في راس الطاغية من افكار شيطانية في سبيل ان يكون لها نصيب الاسد في مشروعاته وامواله وان يكونو هم المسؤولين عن العديد من المؤسسات،، واتحداكم ان واحد يسمي اسم المدينة الي قامت فيها الثورة وكان دور عرب مصراته ان يجهضوها بكل الوسائل ،، وحسبنا الله ونعم الوكيل في كل واحد يحاول التفرقة بين الناس،، والي نشوف فيه ان الثورة بدأت تنحرف عن مسارها ولكن نسأل الله اللطف بهالشعب الي قعد بين مطرقة الطاغية وسنداان تمجيد مصراته التي تبدو وكأنها هي فقط التي دفعت الثمن لوحدها،، وطز في كل واحد يحاول التفرقة ويحاول أن يسلك مسار قبلي او جهوي،، والسلام

  45. والله يا شباب والله لو مصراتة تريد مزيد من الدماء للدافع عنها والله والله بكل دماء اولاد بعيو نفديها فقد استشهدو منا الكتير لو مصراتة طلبت المزيد والله الروح ترخص لى مصراتة ………….لن ننساكم يا شهداء الابطال يا عبد العزيز سليم بعيو وعبد الهادى بعيو عشتم تريس واستشهتم ابطال والله هدا فخر لعائلتكم ولى مصراتة……………الله اكبر الله اكبر……..ياميترو الله اكبر يا شعيرة

  46. في ميدان الشهداء هناك اداعه تعمل في لقاءات وقالوا هي قناه عروس البحر وارجوا ان تفيدوني اين ثبت هده القناه ولكم الشكر

  47. الله واكبر الله واكبر مصراتي حر :ــــــــــــــــــــــــــــــــ
    اتمنى من شباب مصراتة ان يكونوا قدوة لهذه الثورة ولا تأخذهم الغيرة ويتكرر سناريو الكحيلة .

  48. بنغازى ام المدن والقرى يعنى لولا بنغازى والثورة من ا5 فبراير راه مازال معمر يتبول على ليبيا هذى حقيقة …..لو ان اهل بنغازى خونة لتركو مصراته مثل ما تركوها اهل الغرب ….بنغازى والشرق بالكامل ارسلو الرجال والعتاد لايردون جزاء ولا شكورا ….بنغازى هى ضمان استمرار الثورة وعدم تقسيم ليبيا …ومصراته كانت ومعها اهل الجبل والزنتان صمام امان عدم التقسيم…..لذلك يجب الانحناء لتضحيات اهل بنغازى والشرق بالكامل

  49. لن نعود للقيود قد تحررنا وحررنا الوطن .. لـيـبـيا لـيـبـيـا ليبيااااااااااااااااااااااااا .
    ياجماعة عيب عليكم الناس برا لما تحكي علينا تقول الثورة الليبية، احترموا دماء الشهداء والله راهي غالية علينا ،، والله لو الله سبحانه وتعالى ما درنا شي، والله صدقوني لما قريت تعليقاتكم حسيت أن فيه تفرقة حقيقية وفتنة، حرام عليكم قولو خير ياجماعة.. ركزوا في الشطرة هذه من النشيد الوطني ((لن نعود للقيود قد تحررنا وحررنا الوطن .. لـيـبـيا لـيـبـيـا ليبيااااااااااااااااااااااااا))، ليبيا أكبر منا جميعاً، معقولة نطلعوا من حساسية الكورة نخشو حساسية الثورة والله عيب.

  50. تذكروا بدايات الثورة ؟؟ .. المقطع اللي طلع فيه شاب من مصراتة يصور في بداية مظاهرات في مصراتة ويقول (أهم شباب مصراتة طالعين عشانك يا بنغازي)، تذكرو المقطع اللي طلعو فيه شباب الزاوية يقولو (بالروح بالدم نفديك يا بنغازي)، تذكرو المقطع امتاع الشيخ الزنتاني وهدد واستهزئ بالقذافي وسيف، تذكروا الهتاف اللي تردد في بداية الثورة في كل مدينة (ليبيا ليبيا ليبيا ليبيا ..)، تذكرو البنت اللي اتصلت من زوارة بالجزيرة وحكت على الوضع في زوارة مع العلم أن ما عندهمش سلاح وقالت في نهاية الاتصال قالت “أنا عارفه بعد نهاية الاتصال يعتقلوني لكن اهم شي نوصل الوضع في زوارة للعالم)… والمقطع امتاع الشهيد (علي حدوث العبيدي)، مقطع انضمام الشهيد (حسين عوض الورفلي)، وغيرها مقاطع واااااااااااااجد كانت كلها محبة وصدق حركت الناس ووحدتهم.. ياريت أي قناة من قنوات الثورة تجمع المقاطع وتعاود عرضهن باستمرار بلكي الناس تهدأ وترجع المحبة والألفة،، لأن من العيب كل العيب أن ننسى تلك الدماء لأجل الأنا الموجودة داخل نفوسنا .. ونذكركم أن اللي قدم شيء لله من أجل الوطن فأجره على الله.

  51. يا أهل ليبيا قولوا ليبيا ليبيا ليبيا ،، ومش معنى كلامي أني معترض على اسماء قنوات مصراتة، أهم شي المضمون اللي تقدمه القناة .. لو قناة بأسم مدينة واستطاعت خدمة الثورة حتكون أفضل من قناة اسمها ليبيا وهي تخدم في أجندة أناس بذاتهم.. (هذا على سبيل المثال بس)
    نسألكم سؤال واحد، وين اختفى الطابور الخامس اللي كان امعشش في النت ؟؟.. الجواب : مازالوا قاعدين غيرو اساميهم بس وبدوا يكتبوا بأسماء الثوار!! .. ليش غيرو هل أنظموا للثورة؟ .. الإجابة لا !! .. الإجابة: يبوا يخبطوا ليبيا في بعضها ، ما تنسوش الخبث والدهاء امتاع أتباع معمر، حتى بعد موته مازالو يبو يخبطوها في بعضها لأنهم زعلانين عليه، لكن انقوللهم (لن نعود للقيود قد تحررنا وحررنا الوطن .. ليبيا ليبيا ليبيا ) .. والسلام عليكم يا هلـنااااااااااااااااا.

  52. قلوبنا معكم لانملك سوى الدعاء لكم بأن يوحد الله صفوفكم وأن تهدؤوا وتلتقطوا أنفاسكم لتفكروا جديا في إعادة بناء ليبيا حرة جديدة هدا هو قدرنا المهم الإخلاص واحتساب الأجر عند الله واسمعوا كلام الشيخ الشعراوي رحمه الله في حديثه عن الثورات وكانه حي بيننا حيث يوصي الثوار بالهدوء لإعادة بناء الأمجاد والله يحفظكم
    عبد الحميد سكر

  53. السلام عليكم
    اريد ان اخبر اهل مصراتة بانة يوجد شخص في منطقة ابوسليم امام مصنع المشروبات خلف المعهد الصناعي ذهب في الايام الاولى الي جبهة مصراتة متطوع وهو يفتخر بانة قتل الكثير من اهل المنطقة هذا الشخص له سوابق في الماضي محكوم مؤبد في قضية مخدرات تم اطلاق سراحه في الاحدات بعض اخوته مجرمين وسراق التحقو بالثور كذباً بعد تحرير طرابس بيانتة الشخصية كالاتي.
    محمد موسى ابوسنينه
    مواليد 1965
    من مدينة ككلة
    خطير ومراوغ
    لدية اسلحة كتيرة
    والله على مااقوله شهيد
    ليبي حر

  54. خلاصة الحديث:
    اعطيكم مثالا بسيط والشاطر يفهم
    الدجاجة عندما تبيض تصدر ضجيجا قوي جدا تسمع به العالم كله مع العلم انها بيضة ثمنها زهيد
    بينما سمك الكافيار عندما يبيض بيض يساوي الالاف الدولارت لا يصدر اي صوت .
    بــــــــــــــــــــــــــــــــــــــــــــــنــــــــــــــــــــــــــــــغــــــــــــــــــــــــازي
    الكبير كبير

  55. من قول للشخص لقال حقيقة مصراتة ان السلاح لمن بنغازي كل مصراتي يعرف شن قصته منبوش الفتنة لان الكلام بيجرح وهدا في البداية وبعدها السلاح كلا يغنموا فيه من الكتايب والشي الثاني لجو من المناطق الشرقية لمصراتة اصلهم الاول مصراتي وهل تعرف ان نصف سكان بنغازي اصلهم من مصراتة لمعلومك ان الثوره داروها الشرق وتحملوها الغرب وهدا دليل الوحدة الوطنية وياحلو لولا مصراتة والجبل والزاوية لكان الجيش كله في بنغازي ياناس اعطو كل مدينة حقها مصراتة ضحت ومن حقها الشباب يفتخروا بمدينتهم ومن نقول ان مصراتة لما طلعت طلعت تهتف باسم بنغازي ومصراتة هيا اللي حتحافظ ع الوحدة الوطنية مصراتة الصمود وفيك تسال الكتايب اللي مشوا لمصراتة وتوا يقولولك شن دارت مصراتة وفي النهاية نحي ثوار ليبيا كلهم وان شاالله انشوفو بلادنا في العالي ولاشرق ولاغرب ليبيا وبسسسس

  56. مصراته التي تركت بصمتها في كل بيتٍ ليبي بانتاج مصانعها فائق الجوده تركت أيضاً بصمتها في نفس وقلب كل من عايش أحداث ثورة 17 فبراير من داخلها أو خارجها وبحكم أنني عايشت الثوره من بدايتها ومن داخلها فقد كان ليّ الشرف بأن أكون أول كاتب غير ليبي يصدر كتاباً عن الثوره من مصراته الذي صدر ووزع قبل اسبوعين تقريباً .
    الحديث عن مصراته ذو شجون ويطول وأنا أنصح الجميع بقراءة الكتب التي صدرت فيها وقت الحرب أو بعدها وهي كثيره وتتفق جميعها في أن مصراته التي عانت ما عانت ما زالت شامخةً .

  57. مصراتة صققققققققققققققققققققققققققع تبرووووووووووري…….ووووواااااااااااااوووووووووووو

  58. الردعلى
    من حقيقة مصراتة يقول:
    السبت, 17 سبتمبر, 2011 عند 02:44

    الحمدالله انى ردي جاء متاخراً متزامن مع اعلان اقليم شر بقة(شرق برقة ) مع احترامي للسكان الاصليين حيث اظهر هدا الاعلان من يسعى الى تقسيم ليبيا مصراته ام بنغازي علماً بان اجتماع الشر عقد في شهر مايو بمدينة البيضاء ، وكان على السلاح لا ننكر ان بالفعل شحن سلاح الى مصراتة من بنغازي وتم شراء الكثير من السلاح ايضاً وبمبالغ باهضة وفيما يخص القوات الخاصة اللي تحكي عليها احتمال في الحلم وعلشان تعرف مصراتة كويسة انشد اجدودك عن تجريدة حبيب وطرد الجوازي اللي توه طلعتوهم من اهل برقة وتهددوا في الشيخ مصطفى بهم ،ونقولك تدكر ان والله لولا صمود الزاوية ومصراته والزنتان راهي بنغازي تمت رماد ودمار وقارن بين تريس مصراته اللي ما اخرجوا الا بعد شهر مايو مش بنغازي اللي في جئت الرتل هربوا كلهم للبيضاء ومفيش داعي للغيرة وخلينا خوت

  59. نفتخر بنفسي لاني مصراته ومصراته العمود الفقري لليبيا وكيف ما نعرفوا الجسم من غير عمود فقري ما يساويش شي

  60. الحيا ة وقفة عز ومصراته كا نت كذلك وسوف يسجل التاريخ هذا الموقف لاننا لم نرى فى تاريخ العا لم مثل هذا الطا غية المقبور الله اكبر الله اكبر الله اكبر وعاشت ليبيا حرة…….

  61. الاخوه الاعزاء قناه توباكتوس انا من متتبعى هذه القناه ومعجب بها كثيرا لانها دائما تذكرنا بايام حروبنا مع الطاغيه وتذكرنا بالبطولات التى قدمها شباب ليبيا . الا اننى لاحضت بانها تقدم بطولات ابناء مصراته بنسبه 90% ولا تذكر ماقدمه شباب الشرق اتجاه مصراته فهم ناصروها بكل مايمكلون من عتاد ورجال ولكن هذ لم يذكره الا القليل من ابناء مصراته فعل سبيل المثال لا الحصر قال السيد الفاضل سالم اجحا نحن كنا الجسم وبنغازى كانت الرئه التى تتنفس منها مصراته وهذا يثلج صدورنا ايضا الاطراء على المرحوم على حدوث وهذا جميل من قناتكم ولكن نلاحض بعض الامتعاض من ثوار الشرق الذين شاركو معكم القتال ضد الطاغيه ولم تذكروهم وكذالك لم تذكرو البضائع والاسلحه التى كانت تاتيكم من الشرق عن طريق الجرفات
    فارجوكم بادرو ببثها حتى تبعدو هذا الامتعاض من قبل اخوتكم فى الشرق وهذه فقط وجه نضر من متتبعى قناتكم الموقره ومزيدا من التالق والابداع

  62. فينيقيين ؟ وما دخل المصاريت بالفينيقيين ؟ مرة يقولوا نحن اتراك زمرة يقولوا نحن شراكسة من شركيسيا والان فينيقيين؟ لقد جن القوم ههههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s